ଦୂର ପାହାଡ

 

ଈଶ୍ୱରଚନ୍ଦ୍ର ନାୟକ

ବାଙ୍ଗୁଋଷ ପାଟଣା

ଭାଣପୁର, ପୁରୀ

୯୭୭୮୫୧୯୬୭୮

ଦୂର ପାହାଡ

 ବନ୍ଧୁଗଣ, କଥାରେ ଅଛି ଦୂର ପାହାଡ ସୁନ୍ଦର । ଦୂରରୁ ବହୁତ ସୁନ୍ଦର । ଆଖି ଲାଖିହୋଇ ରହିଯାଏ । ମାତ୍ର ଦୂରରୁ ସୁନ୍ଦର ଦେଖାଯାଉଥିବା ପାହାଡକୁ ଯଦି ପାଖରୁ ଦେଖିବାର କେବେ ସୁଯୋଗ ମିଳେ ତେବେ ଅନେକ କିଛି ବିପରୀତ । ଦୂରରୁ ସୁନ୍ଦର ଦିଶୁଥିବା ପାହାଡଟି ପାଖରୁ କେତେଯେ ଦୁର୍ଦ୍ଦଶନୀୟ, କେତେଯେ ବନ୍ଧୁର, କେତେଯେ ଘଞ୍ଚ, କେତେଯେ ବିସ୍ମୟ ତାହା ବିଶ୍ୱାସ କରିହୁଏନା । ପରନ୍ତୁ ସେହି ଦୁର୍ଦ୍ଦଶନୀୟ କଳେବରର ପରିପାଟୀକୁ ଯଦି ଅର୍ନ୍ତଦୃଷ୍ଟିରେ ତନ୍ନତନ୍ନ କରି ଅନୁଭବ କରିବାକୁ ପ୍ରୟାସ କରିଥାଏ ତେବେ ଜୀବନର ଅନେକ ସୌନ୍ଦର୍ଯ୍ୟମୟ ସତ୍ୟ ଅବଲୋକନ ହୁଏ । କହିବା ବାହୁଲ୍ୟ ଯେ ଅସୁନ୍ଦରତା ଭିତରେ ସୁନ୍ଦରତାର ଅନୁଭବ ମଧ୍ୟ ହୋଇଉଠେ ଆଉ ତାହାହିଁ ସତ୍ୟ । ପ୍ରତ୍ୟେକ ମନୁଷ୍ୟର ଜୀବନ ମଧ୍ୟ ସେହି ଦୂର ପାହାଡ ପରି । ଆମ ସମସ୍ତଙ୍କୁ ନିଜ ଜୀବନ ଅପେକ୍ଷା ଅନ୍ୟମାନଙ୍କର ଜୀବନ ଖୁବ୍ ସୁନ୍ଦର ଦିଶେ ଓ ଭଲଲାଗେ । ମାତ୍ର ଦୂର ପାହାଡ ପରି ଯଦି କେବେ ଆମ୍ଭେ ସେମାନଙ୍କ ଜୀବନ ଭିତରକୁ ଝାଙ୍କିକରି ତନ୍ନତନ୍ନ କରି ଦେଖେ ତାହା ମଧ୍ୟ କେତେଯେ ଦୁଃଖ, ଯନ୍ତ୍ରଣା ଓ କାରୁଣ୍ୟରେ ଭରା ତାହା ବିଶ୍ୱାସ କରି ହୁଏନି । ତେଣୁ ଜୀବନର ଏ ସୁନ୍ଦରତା ଅବା ଅସୁନ୍ଦରତା ଏକ ଏକ ଆପେକ୍ଷିକ ଅନୁଭବ ଯାହା ଜୀବନଧର୍ମୀ କେତେକ ମୌଳିକତା ଉପରେ ସମ୍ପୂଣ୍ଣ ନିର୍ଭର କରେ ।

ସାମ୍ପ୍ରତିକ ସାମାଜିକ ସ୍ଥିତି ଓ ପରିସ୍ଥିତିକୁ ନେଇ ଜୀବନର ମୌଳିକତା ବହନ କରୁଥିବା କେତେଗୁଡିଏ ଜୀବନଧର୍ମୀ ନିବନ୍ଧ ଏହି ପୁସ୍ତକଟିରେ ସ୍ଥାନିତ ଆଶା ଯାହା ଆପଣମାନଙ୍କ ଜୀବନକୁ ଋଦ୍ଧିମନ୍ତ କରିବ ।

 

******