ଈଶ୍ୱରଚନ୍ଦ୍ର ନାୟକ
ବାଙ୍ଗୁଋଷ ପାଟଣା
ଭାଣପୁର, ପୁରୀ
୯୭୭୮୫୧୯୬୭୮
ଆଇ.ଲଭ୍.ୟୁ
ପ୍ରେମ ଅଟେ ଚିରନ୍ତନ ଓ ଶାସ୍ୱତ୍ୱ । ଜୀବଜଗତ ଆଦ୍ୟରେ ଥିଲା ବିଲୀନରେ ଥିବ । ଏ ସୃଷ୍ଟିରେ ଏକ ଆରେକକୁ, ଆରେକ ଏକକୁ ଏକ ଭାବତ୍ମକ ଆବେଗରେ ବାନ୍ଧିରଖିଛି ଏ ପ୍ରେମ । ପ୍ରେମଲାଗି ଏ ସଂସାର ସହାବସ୍ଥାନରେ ଗତିଶୀଳ । ଜୀବଜଗତ ରେ ଜୀବ ମାନଙ୍କ ମଧ୍ୟରେ ମାନବ ହେଉଛି ଅନନ୍ୟ । ସଂସାରରେ ସବୁ ବର୍ଗର ଜୀବମାନଙ୍କ ମଧ୍ୟରେ ଥିବା ପ୍ରେମର ଅଭିବ୍ୟକ୍ତି ଠାରୁ ପୁରୁଷ ଓ ନାରୀ ମାନଙ୍କ ମଧ୍ୟରେ ଏହାର ଶୈଳୀ ସବୁଠାରୁ ସ୍ୱତନ୍ତ୍ର । ଏ ସୃଷ୍ଟିରେ ସର୍ବପ୍ରଥମେ କେଉଁ ପୁରୁଷ କେଉଁ ନାରୀକୁ ଅବା କେଉଁ ନାରୀ କେଉଁ ପୁରୁଷକୁ କେଉଁ ଭାଷାରେ ପ୍ରେମ ନିବେଦନ କରିଥିଲା ତାହାର ବୋଧହୁଏ କିଛି ପ୍ରମାଣ ନାହିଁ । ହେଲେ ଆଜି, ଜାତି, ବର୍ଣ୍ଣ, ଧର୍ମ ଓ ଭାଷା ନିର୍ବିଶେଷରେ ଅତ୍ର ତତ୍ର ସର୍ବତ୍ର ଆମମାନଙ୍କ ଭିତରେ ଅଧିକାଶଂ ଶିକ୍ଷିତ ଅବା ଅଶିକ୍ଷିତ ନିଜର ପ୍ରେମ ନିବେଦନ ପାଇଁ ଏହି ଆଇ.ଲଭ୍. ୟୁ ଶଦ୍ଦ ତିନୋଟି କୁ ବ୍ୟବହାର କରୁଛନ୍ତି । ହେଲେ ପରିତାପର ବିଷୟ, କାଁ ଭାଁ କେଉଁଠି କେମିତି ଛାଡିଦେଲେ ପ୍ରେମରେ ସେ ଚିରନ୍ତନତା ଓ ପବିତ୍ରତା ଆଉ ଦେଖାଯାଉନି । କଳୁଷିତ ସାମାଜିକ ପରିବେଶର ଉନ୍ମାଦନାରେ ଅବା ବସ୍ତୁବାଦର ଘନଘଟା ଯନ୍ତ୍ରଣା ଭିତରୁ କ୍ଷଣିକ ଆନନ୍ଦ ଓ ଉପଭୋଗ ପାଇଁ ଆମେ ପ୍ରେମ କରିବସିଲେଣି । ଅଜଣାରୁ ଜଣା, ଜଣାରୁ ବନ୍ଧୁତ୍ୱ ଓ ବନ୍ଧୁତ୍ୱର ପରେପରେ ଆଇ.ଲଭ୍.ୟୁ ଗୋଟିଏ ସ୍ୱତଃ ପ୍ରକିୟା ପରି ମନେ ହେଲାଣି । କିଛିକ୍ଷଣ, କିଛି ସମୟ ଅବା କିଛିଦିନ ଧରି ଅଦଳବଦଳ ପ୍ରେମରେ ମଜଗୁଲ୍ ହୋଇ ଜୀବନକୁ କିଛିକ୍ଷଣ ଉପଭୋଗ କରେ । ତାପରେ ଉଭୟ ବୟଫ୍ରେଣ୍ଡ୍ ଓ ଗାର୍ଲ ଫ୍ରେଣ୍ଡ୍ ନାମରେ ଜଣଶୁଣା ଓ ନୂତନ ବନ୍ଧୁତ୍ୱର ସନ୍ଧାନରେ ପୁଣି ଲାଗିପଡେ ।
କିଶୋର ଅବସ୍ଥାରେ ହିଁ ସିନେମା ଅବା ଦୂରଦର୍ଶନ ସରିୟଲର ପ୍ରେମ ଆମ ମନରେ ଛାପଛାଡେ । ଆଧୁନିକ ଗୀତର ନୃତ୍ୟ ଓ ଇଣ୍ଟରନେଟ୍ ର ନଗ୍ନତା ଆମକୁ ଉତ୍ତେଜିତ କରେ । ସେ ସବୁର ପ୍ରଭାବରେ ବିଦ୍ୟାଳୟର ଶ୍ରେଣୀ ଗୃହରୁ ଆମେ ଆଇ.ଲଭ.ୟୁ କହି ବୟଫ୍ରେଣ୍ଡ୍ ଓ ଗ୍ୟାର୍ଲ୍ ଫ୍ରେଣ୍ଡ୍ କରିବସୁ । ଯେତେବେଳେ କିଶୋର ଅବସ୍ଥାରୁ ଯୁବାବସ୍ଥାରେ ପାଦଦେଉ ସେ କଥା କହିଲେ ନସରେ । ବିଦ୍ୟାଳୟର ସୀମାରେଖା ଡେଇଁ ଯେତେବେଳେ ମହାବିଦ୍ୟଳୟ ଅବା ବିଶ୍ୱବିଦ୍ୟାଳୟର ପରିଧି ଭିତରେ ପାଦଦେଉ ସେତେବେଳକୁ ପ୍ରେମଋତୁ ଟିକେଟିକେ ଛୁଇଁଲା ପରି ମନେ ହୁଏ । ହୃଦୟରେ ପ୍ରେମର ସିହରଣ ଆସେ । ଭଲସାଥୀ ଟିଏ ମନ ଖୋଜିବୁଲେ । ସାଥୀ ଖୋଜୁଖୋଜୁ ପ୍ରେମର ଅର୍ଥ ଓ ଶାସ୍ୱତତା ବୁଝୁ କି ନବୁଝୁ
ସମସ୍ତେ ନହେଲେ ମଧ୍ୟ ଆମେ ଅନେକ ଆକସ୍ମିକ ଭାବେ ପ୍ରେମରେ ପଡିଯାଉ । ସାଥୀକୁ ପ୍ରେମ ନିବେଦନ ପାଇଁ ଆମ ପାଖରେ ସେହି ତିନୋଟି ଶଦ୍ଦ ଆଇ.ଲଭ.ୟୁ ବିନା କିଛି ନଥାଏ ।
ସତେଯେପରି ଏ ଆତ୍ମା ଓ ହୃଦୟ ଏ ତିନୋଟି ଶଦ୍ଦ ବିନା ନିଜର ଭଲପାଇବାକୁ ନିଜ ପ୍ରେମିକ ଅବା ପ୍ରେମିକାକୁ ପ୍ରକାଶ କରିବାକୁ ଅସମର୍ଥ । ମୁଁ ତୁମକୁ ପ୍ରେମ କରେ ଅବା ମୁଁ ତୁମକୁ ଭଲପାଏ ଆଉଟ୍ ଡେଟ୍ଡ୍ ପରି ମନେହୁଏ । ସତେଯେପରି ପ୍ରେମ ନିବେଦନ ପାଇଁ ଇଂରାଜୀରେ ଆଇ.ଲଭ.ୟୁ ତିନୋଟି ଶଦ୍ଦ ବିନା ଅନ୍ୟ କିଛି ବଳିଷ୍ଠ ମାଧ୍ୟମ ହିଁ ନାହିଁ । ପ୍ରେମିକ ଅବା ପ୍ରେମିକା ଚାତକ ପରି ଚାହିଁ ରହିଥାଏ କେତେବେଳେ ମୋ ସାଥୀ ମୋତେ ଆଇ.ଲଭ.ୟୁ କହିବ । ସମୟ କ୍ରମେ ବିବାହ ବନ୍ଧନରେ ବାନ୍ଧିହେଉ । ଭାଗ୍ୟଚକ୍ରରେ ଯଦି ପୁରୁଷକୁ ମନଲାଖୀ ଘରଣୀ ମିଳିଗଲା ତେବେ ସବୁ ସୁନ୍ଦର । ସମୟେ ସମୟେ ଘରଣୀର ସେବା, ସ୍ନେହ, ଯତ୍ନ ଓ କାମରେ ଭାବବିହ୍ୱଳ ହୋଇ ଆଇ.ଲଭ୍.ୟୁ ଡାର୍ଲିଙ୍ଗ୍ ର ବର୍ଷା କରିଦେଉ । ପ୍ରତିଉତ୍ତର ବି ଆଇ.ଲଭ୍.ୟୁ ଠୁ ହୋଇଥାଏ । ଆଉ ଯଦି ନାରୀକୁ ତାର ତନ, ମନ ଓ ହୃଦୟ ବୁଝିଲା ଭଳି ପୁରୁଷ ମିଳିଗଲା ତେବେ ସମୟେ ସମୟେ ଆଇ.ଲଭ୍.ୟୁ ର ଜୋସ୍ôନା ବିଚ୍ଛୁରିତ ହୁଏ । ଯଦି ଉଭୟେ ଆର୍ଥିକ ସ୍ୱାବଲମ୍ବୀ ଓ କେଉଁଠି କେମିତି ମନମାଳୀନରୁ ପରସ୍ପର ପ୍ରତି ବୀତସ୍ପୃହା ହୋଇଯାଏ ତେବେ ସବୁ ଓଲଟପାଲଟ । ନିଜକୁ ବିକ୍ଷିପ୍ତ ମାନସିକତାକୁ ଓହ୍ଲାଇବସୁ । ସ୍ୱାଧୀନ ଜୀବନ ବିତେଇ ନୂଆ ପୁରୁଷବନ୍ଧୁ ଓ ନାରୀବନ୍ଧୁର ଅନ୍ୱେଷଣ ରେ ଲାଗିପଡୁ । ସେଠି ଆଇ.ଲଭ୍.ୟୁ ଶଦ୍ଦ ତିନୋଟିର ବହୁଳ ବ୍ୟବହାର ମଧ୍ୟ କରିବାକୁ ପଡିଥାଏ
ପ୍ରେମ ନିବେଦନ ପାଇଁ ।
ପ୍ରେମିକ ଅବା ପ୍ରେମୀକା କୁ ପ୍ରେମ ନିବେଦନ ପାଇଁ, ମୁଁ ତୁମକୁ ଭଲପାଏ, ମୁଁ ତୁମକୁ ପ୍ରେମକରେ, ଆଇ.ଲଭ୍.ୟୁ ଅବା ଆମୀ ତୁମାକେ ଭାଲୋବାସେ ବାକ୍ୟ ମାନଙ୍କୁ ନେଇ ହେଉ ସେଥିରେ କିଛିଯାଏ ଆସେ ନାହିଁ କାରଣ ଭାବ ପରିପ୍ରକାଶର ମାଧ୍ୟମ ଭାଷା, ହେଲେ ପ୍ରେମରେ
ଚିରନ୍ତନତା ଓ ଶାସ୍ୱତତା ରହୁ ।
No comments:
Post a Comment